聽過不少關於愛情的故事
暗戀、苦戀、單戀、異地戀－－－
因為確切知道自己喜歡上某人，所以確切地痛苦著
但最令人痛苦的，應該是不知道何為喜歡的感覺，
不斷臆測對方的心意，想知他是否「沉了船」，卻對自己的心意不聞不問或者自欺欺人。
在一段關係中，一時的迷惘是可理解，
但她卻周旋在不同人間，迷惘了差不多六年
我原本還有耐性跟她分析和釐清
但慢慢發現，她只重視對方的心意，然後享受自己釣到人的成就感
如果她擺明是玩家，不打算認真的，我會說她爛
她是用玩家的手段，引對方沉船，質疑對方的真心，然後嫌棄，還假惺惺地說「他原來喜歡我？是對方說做朋友的，我只是如他所願。」
最後問我一句「你覺得我係咪鍾意佢？」
爛中之爛。
和她做了七年朋友，我對她愈來愈失望
她說自己有感情潔癖，我在電話裡恥笑了起來。
仲記得中學時代既我曾經為左友誼而唔開心
例如覺得有人搶左我既朋友，將對方當成假想敵
跟住自己一個係度發脾氣，令到所有人都摸不著頭腦，只覺我陰陽怪氣又情緒化
唔知由幾時開始，自己對友誼愈睇愈淡
可能因為自己怪
我覺得朋友唔需要成日聯絡
只要基於一份信
信對方當你朋友
信對方尊重你，而且願意傾聽
信大家總會有日再聚
一段友誼關係，唔需要每時每刻都係咁分享自己身邊既大小二事
只需要係某件重要既事上，對方可給予我一啲支持或意見，又或者大家為一啲精華笑料哈哈笑一番，其實都已經好足夠
突然講起友誼係因為sky光遇
呢隻game一開始既設定係for社交
係sever，識人有乜難，大家又匿名，講咩都得
一日一星期一個月，大家有傾有講唔會嫌悶
但係真正既問題黎喇
當你同A變得friend, 但原來佢同B一早已認識時，你夾係中間就會有啲尷尬
三人行唔係個個都接受
只要其中一個佔有慾強啲，呢段關係就會好奇怪唔balance
恰巧，B係呢種性格
唔知係我太敏感定因我有所經歷
B既一舉一動就像年少時既自己
講野有啲酸，而且明顯地給我No的sign
繼續三人行就只會令大家都唔舒服
所以我決定退出了
如果和A有緣的，始終會在sever上遇到的
係呢個時候，除左講相遇既緣份，仲可以做咩丫？haha 姐姐我就讓下小妹妹你囉（攤手）
五月新開始
失業了
終於有新居，開始籌備裝修設計
飲宴因疫情延期，希望之後一切順利
發現自己肥了不少，開始做運動，不過還是懶
近日玩新game Sky光遇，omg，好玩
當中有個巴西玩家帶我過了最恐怖的兩個關卡，又專登為我帶路尋找新碎片，是目前為止最好最有心的玩家！
不知為何最後重生前的片段令我眼眶一熱
就像一起經歷過生死後回歸平靜的淨化過程
能夠預上這個game真的太好！！
暴風過後人類能夠放下披風，變成一團光，自由飛翔，就像所有恐懼和痛苦都放下了
因美麗的事情而死亡或許就是這麽一回事
雖然有點可惜，但知道任務已完成，可以放心重生了。
五月繼續揾工
繼續思考
不過，有點不一樣了。
